Напярэдадні Дня Канстытуцыі 10 юнакоў і дзяўчат Ельшчыны сталі паўнавартаснымі грамадзянамі Беларусі з усімі правамі і абавязкамі, якія прапісаны ў асноўным законе Рэспублікі Беларусь.
Пашпарт, Канстытуцюі і кнігу «Я — грамадзянін Рэспублікі Беларусь», падарунак ад Прэзідэнта краіны, вучні школ горада Ельска атрымалі з рук старшыні Ельскага раённага выканаўчага камітэта Леаніда Пісаніка і старэйшага інспектара групы па грамадзянстве і міграцыі раённага аддзела ўнутраных спраў Аляксандра Раманава.
На ўрачыстым мерапрыемстве ў рамках рэспубліканскай акцыі “Мы – грамадзяне Беларусі” апантаным энергіяй маладосці і задару юнакам і дзяўчатам былі ўручаны членскія білеты Беларусскага рэспубліканскага саюза моладзі. Гэтыя дакументы яны атрымалі з рук ветэрана Вялікай Айчыннай вайны Сяргея Васільевіча Старынскага і першага сакратара раённай арганізацыі ГА “БРСМ” Ірыны Шаўчук.
