Літаратурны нарыс “Дар душэўнай дабрыні”, прымеркаваны да 125-годдзя з дня нараджэння народнага пісьменніка Беларусі Міхася Лынькова, аўтара шматлікіх твораў на патрыятычную і ваенную тэматыку, а таксама прыгодніцкіх апавяданняў для дзяцей, прайшоў у чытальнай зале раённай бібліятэкі. Удзельнікамі мерапрыемства сталі вучні 5 “Б” класа СШ №2 г. Ельска. Рабяты пазнаёміліся з біяграфіяй пісьменніка, даведаліся пра яго жыццёвы і творчы шлях, абмеркавалі аповесці “Пра смелага ваяку Мішку і яго слаўных таварышаў” і “Міколка-паравоз”.
Найбольшую цікавасць у іх выклікала апавяданне “Янка Парашутыст”. Рабяты весела смяяліся з прыгод Янкі і яго сяброў і шчыра спачувалі кату Ваську – галоўнаму герою апавядання.
Да ўвагі дзяцей была прадстаўлена электронная прэзентацыя, дзякуючы якой яны пашырылі свае веды аб пісьменніку і яго творчасці.
