Дабрачынная акцыя “Нашы дзеці”, ініцыяваная шмат гадоў таму Прэзідэнтам, крочыць па Ельшчыне.
На навагодняе прадстаўленне ў Ельскай ў дапаможнай школе-інтэрнаце сабраліся ўсе вучні і іх бацькі, настаўнікі, выхавацелі і шматлікія госці. Наведалі ўстанову прадстаўнікі ўлады, Гомельскай таможні, арганізацый-шэфаў, з якімі шмат гадоў сябруе школа–інтэрнат. Сярод ганаровых гасцей член Савета Рэспублікі Нацыянальнага сходу Рэспублікі Беларусь Фелікс Яшкоў, старшыня Ельскага райвыканкама Уладзімір Бурмістраў, старшыня Гомельскага абкома прафсаюзаў работнікаў лесу Аляксандр Васіленка, загадчык аддзела адукацыі, спорту і турызму райвыканкама Вольга Сіўчук, ганаровы дырэктар школы-інтэрнат Рыгор Бабчанок, галоўны рэдактар раённай газеты “Народны голас” Таццяна Петрухно, намеснік дырэктара Ельскага лясгаса Таццяна Нікітка, прадстаўнік ПМК 64 Ніна Дворак, а таксама прадстаўнікі Гомельскай таможні.
Цікавае святочнае прадстаўленне захапіла усіх дзяцей і дарослых. Яно атрымалася яскравым і казачным.
Напярэдадні Новага года навучэнцы школы-інтэрнат атрымалі салодкія падарункі, цацкі, фотаапарат і шматлікія словы пажаданняў радасці, цеплыні, любові і шчасця ад гасцей свята.
