19 верасня 2018 года пачалася падрыхтоўка да конкурсу прыгажосці “Палеская Прыгажуня – 2018”, які пройдзе ў рамках V Міжнароднага фестывалю этнакультурных традыцый «Клiч Палесся».
Рэпетыціі канкурсантках праходзяць на сцэне дзяржаўнай установы «Гарадскі цэнтр культуры». Дзяўчыны асвойвалі майстэрства дэфіле і харэаграфіі, прымяралі адзенне для выхадаў.
Пазнаёміцца з удзельніцамі конкурсу “Палеская Прыгажуня – 2018”, а таксама прагаласаваць за сваю фаварытку, можна на афіцыйным сайце цэнтра моды і прыгажосці “Хрустальная Німфа” (crystalnymph.by). Па выніках дадзенага онлайн галасавання будзе вызначана пераможніца ў намінацыі “Прыз глядацкіх сімпатый”. На сайце інфармацыйнага партнёра конкурсу – выдавецтва “Гомельская праўда” (gp.by) – праходзіць дадатковае галасаванне на вызначэнне дзяўчыны ў намінацыі “Прыз ад прэсы”.
Нагадаем, што конкурс прыгажосці “Палеская Прыгажуня – 2018” пройдзе 22 верасня ў а.г. Ляскавічы Петрыкаўскага раёна.
Арганізатарамі выступае дзяржаўная ўстанова “Цэнтр моды і прыгажосці “Хрустальная Німфа” пры падтрымцы Галоўнага ўпраўлення ідэалагічнай работы, культуры і справах моладзі.
Генеральны партнёр конкурсу прыгажосці – ААТ “Гомельскае ВА “Крышталь” – кіруючая кампанія холдынгу “КРЫШТАЛЬ-Холдынг”. Партнёрамі выступаюць трэнажорная зала прэміум класа «LUX GYM», турыстычная кампанія «Міс Тур» і ААТ «Камінтэрн».
