Для паляпшэння забеспячэння насельніцтва раёна сельскагаспадарчай прадукцыяй, іншымі харчовымі і нехарчовымі таварамі ў верасні–кастрычніку 2016 года ў Ельску пройдуць кірмашы.
Жыхары Ельшчыны атрымаюць магчымасць набыць садавіну, гародніну, сокі, плодаагароднінныя кансервы, а таксама нехарчовыя тавары, вырабленыя сельскагаспадарчымі прадпрыемствамі і фермерскімі гаспадаркамі раёна, ААТ «Ельскі кансервавы завод», «Ельскі КБА» і райспажыўтаварыствам.
Па суботах, 24 верасня, 1, 8, 15, 22 кастрычніка бягучага года, з 7.00 да 15.00, кірмашы будуць праводзіцца па адрасе: г. Ельск, Мазырскі тракт (пляцоўка каля магазіна «Ірма»).
Па нядзелях, 25 верасня, а таксама 2, 9, 23 кастрычніка 2016 года, кірмашы пройдуць на рынку г. Ельска.
15 кастрычніка бягучага года на цэнтральнай плошчы г. Ельска пройдзе традыцыйны «Пакроўскі кірмаш», на якім у шырокім асартыменце будзе прадстаўлена сельскагаспадарчая прадукцыя, харчовыя тавары, кулінарныя вырабы, прамысловыя тавары асенне-зімовага асартыменту, тавары народных промыслаў і маладзёжнай творчасці.
Запрашаем на восеньскія кірмашы!
Аргкамітэт
