У Беларусі са жніўня ўзрастуць дапамогі па доглядзе дзіцяці ва ўзросце да 3 гадоў, паведамілі ў Міністэрстве працы і сацыяльнай абароны.
Так, выплаты на першае дзіця вырастуць з 1 жніўня на Br7,34 (у дэнамінаваных рублях) і складуць Br252,39, на другое і наступных дзяцей — на Br8,39 і складуць Br288,44, на дзіця-інваліда — на Br9,44 (складуць Br324,50).
У нашай краіне памер штомесячнай дапамогі па доглядзе дзіцяці ва ўзросце да 3 гадоў дыферэнцыруецца ў залежнасці ад колькасці дзяцей у сям’і.
Так, на першае дзіця ён складае 35% сярэднямесячнай заработнай платы работнікаў рэспублікі, на другое і наступных дзяцей – 40%.
Дапамога на дзіця-інваліда назначаецца і выплачваецца ў памеры 45% сярэднямесячнай заработнай платы незалежна ад чарговасці нараджэння дзяцей у сям’і.
