У рамках рэспубліканскай грамадска-культурнай акцыі «Мы, беларусы, – мірныя людзі» ў мінулую пятніцу, 27 сакавіка, у гарадскім Доме культуры «Колас» прайшло святочнае мерапрыемства, удзел у якім прынялі артысты з Ельскага раёна, горада Лельчыцы і Валадар-Валынскага раёна Жытомірскай вобласці.
Асноўнай задачай акцыі з’яўляецца ўмацаванне адзінства беларускага народа ў год правядзення важнейшых палітычных падзей у жыцці беларускай дзяржавы і фарміраванне патрыятычнай самасвядомасці грамадзян.
На святочнай сцэне гарадскога дома культуры «Колас» ў гэты дзень выступілі самадзейныя артысты Ельшчыны, а таксама народны мужчынскі вакальны калектыў «Лель» з Лельчыцкага раёна і вакальны калектыў «Мрыяны» з Валадар-Валынскага раёна Жытомірскай вобласці (Украіна).
Алесь Таполя
